សម្ដេចធិបតី ហ៊ុន ម៉ាណែត អនុញ្ញាតអោយ ប្រធានក្រុមប្រឹក្សាភិបាលនៃធនាគារចិនគ្រុប ចូលសម្តែងការគួរសម និងពិភាក្សាការងារ

នៅរសៀលថ្ងៃចន្ទ ទី១៦ តុលា ២០២៣  ដដែលនេះ បន្ទាប់ពីបានអនុញ្ញាតអោយ ប្រធានក្រុមប្រឹក្សាភិបាលក្រុមហ៊ុន China Datang Co.,Ltd. ចូលជួបចូលសម្តែងការគួរសម និងពិភាក្សាការងាររួចមក សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក៏បានអនុញ្ញាតអោយ លោក កឺ ហាវជែវ (Ge HaiJiao) ប្រធានក្រុមប្រឹក្សាភិបាលនៃធនាគារចិនគ្រុប ចូលសម្តែងការគួរសម និងពិភាក្សាការងារ ។

នេះគឺជាជំនួបទី៣ ក្នុងថ្ងៃទី១ នៃការអញ្ជើញដល់សាធារណរដ្ឋប្រជាមានិតចិន ដើម្បីចូលរួមវេទិកាខ្សែក្រវាត់ និងផ្លូវលើកទី៣ (3o BRF) សម្រាប់កិច្ច​សហ​ប្រតិបត្តិការអន្តរជាតិ ក្រោមមូលបទ «កិច្ចសហប្រតិបត្តិការខ្សែក្រវាត់ និងផ្លូវ ប្រកបដោយគុណភាព​ខ្ពស់​៖ រួមគ្នាដើម្បីការអភិវឌ្ឍ និងវិបុលភាពរួម»។

រដ្ឋធានីប៉េកាំង សាធារណរដ្ឋប្រជាមានិតចិន រសៀលថ្ងៃចន្ទ ទី១៦ តុលា ២០២៣