ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា មានប្រសាសន៍ថា កម្ពុជា ជម្លៀសនិស្សិត ៣២៣ នាក់ ទៅកន្លែងមានសុវត្ថិភាព សល់ ១៣១នាក់ទៀត កំពុងប្រឈម។
សម្តេចធិបតី បញ្ជាក់ថា «មកដល់ព្រឹកមិញនេះ យើងបានទទួលដំណឹងមកថា មាននិស្សិតខ្មែរនៅអ៊ីស្រាអ៊ែលសរុប ៤៥៤ នាក់ បានជម្លៀសចេញ ៣២៣នាក់ ទៅកន្លែងមានសុវត្ថិភាព និងសល់ ១៣១ នាក់ទៀត ដែលកំពុងនៅកន្លែងមានហានិភ័យ»។
នេះជាប្រសាសន៍របស់ សម្តេចធិបតី ក្នុងឱកាសអញ្ជើញជាអធិបតី ក្នុងពិធីសម្ពោធដាក់ឱ្យអនុវត្តជាផ្លូវការ «យុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨»នៅព្រឹកថ្ងៃនេះ៕
