រដ្ឋមន្ត្រីក្រសួងមហាផ្ទៃ ណែនាំដល់អគ្គស្នងការដ្ឋាននគរបាលជាតិ ឲ្យចាប់ផ្ដើមរៀបចំយន្តការបណ្ដុះបណ្ដាលប្រជាការពារ នៅទូទាំងប្រទេសឲ្យមានស្ដង់ដារតែមួយ

ភ្នំពេញ: ឯកឧត្តមអភិសន្តិបណ្ឌិត ឧបនាយករដ្ឋមន្រ្តី ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានណែនាំ ដល់អគ្គស្នងការដ្ឋាននគរបាលជាតិ ត្រូវរៀបចំយន្តការបណ្ដុះបណ្ដាលពង្រឹងសមត្ថភាពដល់កម្លាំងប្រជាការពារដែលកំពុងបំពេញការងារនៅតាមមូលដ្ឋានភូមិ ឃុំ សង្កាត់ ឱ្យមានស្តង់ដាតែមួយ ប្រើភាសាតែមួយ ដូចជាការប្រើប្រាស់វិទ្យុទាក់ទង ការផ្ដល់ព័ត៌មានមកឱ្យកងកម្លាំងសមត្ថកិច្ច ឬអ្វីគួរ អ្វីមិនគួរធ្វើជាដើម ដើម្បីបង្កើនភាពកក់ក្ដៅជូនប្រជាពលរដ្ឋ ហើយពួកគាត់ក៏អាចបំពេញការងារប្រកបដោយភាពជឿជាក់ ក្នុងការសម្រាលបន្ទុកការងារមួយចំនួនរបស់សមត្ថកិច្ចនៅមូលដ្ឋាន៕