ខេត្តស្ទឹងត្រែង៖ ក្រុមយុវជនសេដ្ឋកិច្ចរាជធានីភ្នំពេញ បន្តនាំយកផ្លាកគណបក្សប្រជាជនកម្ពុជាចំនួន១០ផ្ទាំងបន្ថែមទៀត ដែលដឹកនាំដោយ លោកអនុបណ្ឌិត ហ៊ុន ពិសិដ្ឋ លោក អនុបណ្ឌិត ឌីម សុខុន លោក អនុបណ្ឌិត ឃីម រដ្ឋា លោក សេង សុខេង ចាងហ្វាង ការផ្សាយគេហទំព័រ (សុខេង ស៊ីអិនធី ហតញូយ៍) ព្រមទាំងក្រុមការងារបានបន្តយកទៅលើកបន្ថែមចំនួន០៥កន្លែង ដែលស្ថិតនៅភូមិ(ឧបសម្ព័ន្ធ)ចំណុះឲ្យភូមិស្ដៅ០១ ហៅភូមិញើន ឃុំស្តៅ ស្រុកសេសាន ខេត្តស្ទឹងត្រែង នាព្រឹកថ្ងៃពុធ០៤កើត ខែបឋមាសាឍ ឆ្នាំថោះ បញ្ញាស័ក ពុទ្ធស័ករាជ ២៥៦៧ ត្រូវនឹងថ្ងៃទី២១ ខែមិថុនា ឆ្នាំ២០២៣នេះ។
ការលើកផ្លាកគណបក្សប្រជាជនកម្ពុជា នៅក្នុងថ្ងៃនេះដែរក៏មានការអញ្ជើញចូលរួមពីលោក ពូយ ប៊ុនឌូយ មេឃុំស្តៅ នឹង លោក ក្រង សាវុទ្ទ មេភូមិ(ឧបសម្ព័ន្ធ)ចំណុះឲ្យភូមិស្ដៅ០១ ហៅភូមិញើន ព្រមទាំងប្រជាការពារភូមិ នឹងប្រជាពលរដ្ឋជាច្រើនរូបផងដែរ។
នៅក្នុងឱកាសនោះ លោក អនុបណ្ឌិត ឌីម សុខុន មានប្រសាសន៍ថា÷ ការលើកផ្លាកគណបក្សប្រជាជនកម្ពុជាចំនួន០៥កន្លែងនេះ នៅតាមបណ្ដោយផ្លូវលំ ពីព្រោះលោកយល់ឃើញថាភូមិនេះជាភូមិដាច់ស្រយាលឆ្ងាយពីទីប្រជុំជន។ មួយវិញទៀតលោកយល់ឃើញថា គណបក្សប្រជាជនកម្ពុជាក្រោមការដឹកនាំដ៏ប៉ិនប្រសប់របស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សម្តេចបានដឹកនាំប្រទេសជាតិមានការអភិវឌ្ឍន៍ រីកចំរើនលើគ្រប់វិស័យ មិនថាទីក្រុងឬជនបទ មានផ្លូវល្អងាយស្រួលក្នុងការធ្វើដំណើរ សំបូរសប្បាយ ដូចប្រសាសន៍សម្តេចតែងតែលើកឡើង ទីណាក៏មានការអភិវឌ្ឍន៍ដែរ។ ចឹងហើយបានជាលោកស្រលាញ់គាំទ្រ គណបក្សប្រជាជនកម្ពុជា១០០ភាគរយ។ ទើប លោកធ្វើការគៀងគរប្រមូលថវិកាផ្ទាល់ខ្លួន ដែលមានការចូលរួមពីលោកអនុបណ្ឌិត ហ៊ុន ពិសិដ្ឋ លោក អនុបណ្ឌិត ឃីម រដ្ឋា លោក សេង សុខេង ចាងហ្វាងការផ្សាយគេហទំព័រ(សុខេង សុីអិនធី ហតញូយ៍)ព្រមទាំងក្រុមការងារ ដើម្បីយកមកលើក នៅក្នុងឃុំស្តៅ ស្រុកសេសាន ខេត្តស្ទឹងត្រែង ដែលលោកមេភូមិ មេឃុំដឹកនាំបានល្អ។
ក្នុងនោះដែរ លោក អនុបណ្ឌិត ហ៊ុន ពិសិដ្ឋ លោក អនុបណ្ឌិត ឌីម សុខុន លោក អនុបណ្ឌិត ឃីម រដ្ឋា លោក សេង សុខេង ចាងហ្វាង ការផ្សាយគេហទំព័រ (សុខេង ស៊ីអិនធី ហតញូយ៍) នឹង លោក ញ៉ែម យ៉ុង លោក ពុំ ដារ៉ា ព្រមទាំងក្រុមការងារយើង បាននាំយកថវិការផ្ទាល់ខ្លួនចំនួន ៦០មុឺនរៀល ជួនដល់លោកមេភូមិ នឹង លោកមេឃុំ ដើម្បីចាត់ចែងរៀបចំនៅអាហារសាមគ្គីជាមួយក្រុមការងារ នឹងបងប្អូនប្រជាពលរដ្ឋផងដែរ ។
លោក ពូយ ប៊ុនឌូយ មេឃុំស្តៅ បានលើកឡើងថា លោកមានការសប្បាយចិត្ត ត្រេកអរខ្លាំងណាស់ចំពោះក្រុមការងារយុវជនសេដ្ឋកិច្ចរាជធានីភ្នំពេញ នឹង លោកចាងហ្វាងការផ្សាយ(គេហទំព័រ សុខេង ស៊ីអិនធី ហតញូយ៍ ដែលបាននាំយកផ្លាកគណបក្សប្រជាជនកម្ពុជាយកមកលើកនៅក្នុងឃុំដាច់ស្រយាលរបស់លោកនេះ ដើម្បីឱ្យប្រជាពលរដ្ឋបានយល់ច្បាស់ពីការដឹកនាំរបស់សម្តេចតេជោហ៊ុនសែន មានការរីកចំរើននិងការអភិវឌ្ឍន៍រហូតដល់សព្វថ្ងៃនេះ ហើយលោកសូមជូនពរដល់ក្រុមការងារ សូមធ្វើដំណើរវិលត្រឡប់ទៅគេហដ្ឋានវិញ សូមឲ្យជួបប្រទះតែនិងសេចក្តីសុខសេចក្តីចម្រើននិងប្រកបមុខរបរទទួលទានឲ្យបានជោគជ័យគ្រប់ភារកិច្ចផងដែរ។
ជាចុងក្រោយក្រុមការងារយុវជនសេដ្ឋកិច្ចរាជធានីភ្នំពេញ និងលោកមេភូមិ មេឃុំ ព្រមជាមួយប្រជាពលរដ្ឋ បានអញ្ជើញពិសារអាហារសាមគ្គី និងរាំលេងកំសានផងដែរ៕
