ខេត្តព្រះវិហារ÷ សកម្មភាពដឹកជញ្ជូនបទល្មើសព្រៃឈើចេញពីព្រៃអភិរក្សគូលែនព្រហ្មទេពនិងព្រៃសហគមន៍សំបូរអភិវឌ្ឍន៍ពីសំណាក់ក្រុមឈ្មួញនៅតែបន្តកើតមានជារៀងរាល់ថ្ងៃ យប់ បានដោយរលូន ខណៈមន្ត្រីជំនាញពាក់ព័ន្ធបានរក្សាភាពស្ងៀមស្ងាត់។
ជាក់ស្ដែងនៅថ្ងៃទី 31 ខែឧសភាឆ្នាំ 2023 នេះអង្គភាពសារព័ត៌មានយើងទទួលបានព័ត៌មានមកថាការដឹកជញ្ជូនបទល្មើសព្រៃឈើចេញពីតំបន់ខាងលើតាមរយៈរថយន្តស៊េរីទំនើបនឹងគោយន្តកន្ត្រៃជាច្រើនគ្រឿងនិងរទេះគោចេញទាំងថ្ងៃ ទាំង យប់ ស្ថិតនៅភូមិ សំបូរ ឃុំ ស្រយ៉ង ស្រុក គូលែនខេត្ត ព្រះវិហារ យ៉ាងគគ្រឹកគគ្រេង គ្មានឃើញមន្ត្រីដែលការពារនៅក្នុងតំបន់ខាងលើធ្វើការទប់ស្កាត់នោះទេ។
ទោះយ៉ាងណាក្តី មហាជនសូមស្នើសុំឯកឧត្តម គីម រិទ្ធីអភិបាលខេត្តព្រះវិហារជាពិសេស នាយឧត្តមសេនីយ៍ សៅសុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិមេត្តាចាត់វិធានការទប់ស្កាត់និងបង្ក្រាបរាល់ការកាប់បំផ្លាញដើមឈើក្នុងតំបន់ខាងលើនិងការដឹកជញ្ជូនឈើចេញទៅលក់នៅតាមបណ្ដាខេត្តនានាយ៉ាងគគ្រឹកគគ្រេងនេះផង៕
ផ្សាយចេញពីអង្គភាព គេហទំព័រហ៊ុនពិសិដ្ឋធីវីញួស៍ ដែលមានលេខទូរស័ព្ទទំនាក់ទំនង 012 71 73 99 .069 71 73 99
